عن موضوع الفول واللحمه

عجبتنى الكلمات قلت انقلها

* عن موضوع الفول واللحمه صرح مصدر قال مسئول
* ان الطب اتقدم جدا والدكتور محسن بيقول
* ان الشعب المصري خصوصا من مصلحته يقرقمش فول
* حيث الفول المصري عموما يجعل من بني ادم غول
* تأكل فخده في ربع زكيبه والدكتور محسن مسئول
* يديك طاقة وقوة عجيبة تسمن جدا تبقى مهول
* لحمه نباتى ولا فول حاتى تاكل قدره تعيش مستور
* ثم اضاف الدكتور محسن ان اللحمه دي سم أكيد
* بتزود أوجاع المعدة وتعود على طولة الايد
* وتنيم بني ادم اكتر وتفرقع منه المواعيد
* واللي بياكلوا اللحمة عموما حيخشوا جهنم دا اكيد
* يا دكتور محسن يا مزقلط يامصدر ياغير مسئول
* حيث ان انتو عقول العالم والعالم محتاج لعقول
* مارأى جنابك وجنابهم فيه واحد مجنون بيقول
* احنا سيبونا نموت باللحمة وانتو تعيشوا وتاكلوا الفول
* ما رأيك ياكابتن محسن مش بالذمة كلام معقول